Kristján Jónsson,vanda sig betur.

Hvernig ætli standi á því að fréttamaður eins og Kristján Jónsson kemur með frétt sem fjallar meira um aðra hlið mála eins og þessi frétt er. það er eins og hans takmark sé að rakka niður aðskilnaðarsinnana og hygla þeim sem eru hliðhollir Úkraínu. Í fréttinni stendur að Ribbaldar hliðhollir Rússum ráði mestu í mörgum borgum í austurhlutanum og séu að hóta fólki. Það er auðvelt að skíta menn út með því að kalla menn ribbalda. Það vill gleymast að aðskilnaðarsinnar eru ekki bara hermenn heldur líka venjulegt fólk óvopnað. Sem dæmi um það þá eru tengdaforeldrar mínir líka aðskilnaðarsinnar þó að þau séu orðin gömul og verji mestum tíma heima við. Jón Björgvinsson hjá RÚV kom líka með frétt í þessum dúr þegar kosningarnar á Krím fóru fram, þá reyndi fréttamaðurinn að sverta alla þætti þeirra t,d, með því að halda því fram að íbúarnir væru að kjósa undir byssukjöftum Rússa. Ég og Ljúdmíla konan mín sem er frá bænum Írmíno í Lúgansk sýslu vorum í símasambandi við nokkra vini okkar á Krím þegar kosningin stóð yfir og þar fagnaði fólkið því að fá að kjósa um málið og svo var fagnað enn meira þegar niðurstaðan lá fyrir en það var lítið sem ekkert fjallað um það í fréttunum. Þegar mótmælin í Kíev stóðu yfir þá voru stanslausar fréttir af því en mun minna fjallað um það þegar 42 brunnu inni eða voru skotnir í verkalýðsbyggingunni í Odessa fyrir nokkru síðan. Það heyrðist heldur ekki mikið frá Obama og hans liði um það mál eða frá ESB liðinu því það virðist ekki alveg henta þeim þegar aðskilnaðarsinnar láta lífið. Þegar svona ástand myndast þá eru framin voðaverk á báða bóga. Aðskilnaðarsinnar hafa framið þau og líka hinir. Íbúar Úkraínu þurfa ríkisstjórn sem hlustar á vilja íbúana í austursýslunum annars verður aldrei friður á svæðinu. OG EITT Í VIÐBÓT TIL ÞÍN KRISTJÁN ,VINSAMLEGA KOMDU MEÐ RÉTTAR FRÉTTIR FRÁ BÁÐUM HLIÐUM MÁLSINS EN EKKI BARA DRAGA TAUM ANNARS AÐILANS.

Lífshættulegur kjörseðill