Er þetta aðal vandamálið ?

Mér finnst þetta vera öfugsnúningur hjá Ágústi að gera mál úr því þegar flutningabílsstjórar mynduðu umferðina með farsímum sínum. Með þessu voru þeir einfaldlega að benda á glæfraakstur margra ökumanna. Það er bannað að tala í farsíma við akstur en að taka myndir við akstur hef ég aldrei heyrt að sé bannað. Svo er eitt furðulegt eftir allan áróðurinn í gegnum árin að það sé bannað að tala í farsíma undir stýri að þá er LEYFILEGT að tala í TALSTÖÐ undir stýri. Þessa upplýsingu hef ég beint frá umferðardeild Lögreglunnar.

„Lýsir brengluðu viðhorfi“

Athugasemdir

[Anna Dóra Gunnarsdóttir, 3.2.2016 kl. 23:32]

Mér finnst glæfralegt að menn skuli taka myndir á símana sína á meðan þeir eru að aka bifreiðum. Tilgangurinn er e.t.v. eðlilegur því að það fer um marga í umferðinni eins hröð og fífldjörf og hún er stundum. En þessir sjálfskipuðu laganna verðir eru jafn glæfralegir á meðan þeir stunda þessar myndatökur. Ég er sammála því að það er svolítið skrítið að leggja það ekki að jöfnu að tala í síma og að tala í talstöð í akstri. Hvort tveggja getur truflað athygli ökumanns.

[Ármann Birgisson, 3.2.2016 kl. 23:46]

Kannski voru einhverjir af þessum mönnum sem tóku myndirnar á símana einfaldlega farþegar í flutningabílunum.